ഭജന യോഗം

അച്യുതം കേശവം രാമനാരായണം

കൃഷ്ണദാമോദരം വാസുദേവം ഹരിം

ശ്രീധരം മാധവം ഗോപികാവല്ലഭം

ജാനകീ നായകം രാമചന്ദ്രം ഭജേ

അച്യുതം കേശവം സത്യഭാമാധവം

മാധവം ശ്രീധരം രാധികാരാധിതം

ഇന്ദിരാ മന്ദിരം ചേതസാ സുന്ദരം

ദേവകീ നന്ദനം നന്ദജം സന്ദധേ

വിഷ്ണവേ ജിഷ്ണവേ ശംഖിനേ ചക്രിണേ

രുക്മിണീ രാഗിണേ ജാനകീ ജാനയേ

വല്ലവീ വല്ലഭായാർച്ചിതായാത്മനേ

കംസ വിദ്ധ്വംസിനേ വംശിനേ തേ നമഃ

കൃഷ്ണ ഗോവിന്ദ ഹേ രാമ നാരായണ

ശ്രീപതേ വാസുദേവാജിത ശ്രീനിധേ

അച്യുതാനന്ദ ഹേ മാധവാധോക്ഷജ

ദ്വരകാനായകാ ദ്രൗപദീ രക്ഷക

രാക്ഷസ ക്ഷോഭിതഃ സീതയാശോഭിതോ

ദണ്ഡകാരണ്യഭൂപുണ്യതാകാരണ

ലക്ഷ്മണേനാന്വിതോ വാനരൗഃ സേവിതോ-

ഗസ്തസംപൂജിതോ രാഘവ പാതു മാം

ധേനുകാരിഷ്ടകാനിഷ്ടകൃദ്ദ്വേഷികാ

കേശിഹാ കംസഹൃദ്വംശികാവാദകഃ

പൂതനാകോപകഃ സൂരജാഖേലനോ

ബാലഗോപാലകഃ പാതു മാം സർവദാ

വിദ്യുദുദ്യോതവത്പ്രസ്ഫുരദ്വാസസം

പ്രാവൃഡംഭോദവത്പ്രോല്ലസദ്വിഗ്രഹം

വന്യയാ മാലയാ ശോഭിതോരഃസ്ഥലം

ലോഹിതാങ്ഘ്രിദ്വയം വാരിജാക്ഷം ഭജേ

കുഞ്ചിതൗഃ കുന്തളൈർഭ്രാജമാനാനനം

രത്നമൗലിം ലസത് കുണ്ഡലം ഗണ്ഡയൊഃ

ഹാരകേയൂരകം കങ്കണപ്രോജ്വലം

കിങ്കിണീമഞ്ജുളം ശ്യാമളം തം ഭജേ

അച്യുതസ്യാഷ്ടകം യഃ പഠേദിഷ്ടദം

പ്രേമതഃ പ്രത്യഹം പൂരുഷഃ സസ്പൃഹം

വൃത്തതഃ സുന്ദരം കർതൃവിശ്വംഭര-

സ്തസ്യ വശ്യോ ഹരിർജായതേ സത്വരം

------------ *** ------------